Ang “Volcanic smog o vog” isang uri ng polusyon sa hangin na sanhi ng mga bulkan. Ito ay maaaring magdulot ng iritasyon sa mga mata, lalamunan, at sakit sa baga. Para makaiwas dito, mainam na sundin ang mga sumusunod:

Magsuot ng mask (N95 kung mayroon) o ng basang tela sa ilong at bibig

Huwag lumapit sa Permanent Danger Zone ng bulkan

Isara ang mga pinto at bintana

Laging uminom ng malinis na tubig

Maging alerto sa balita ng PHIVOLCS o ng LGU at sumunod sa abiso ng lokal ng pamahalaan

Tumawag sa National Emergency Hotline 911 kung kinakailangan ng tulong.

Ugaliing kumonsulta sa pinakamalapit na health center o alamin ang kanilang hotline/telemed.