Symposium dapit sa tubig aatendiran kan Provincial Nutrition Committee

PILI, CAMSUR—An mga  miembros  kan  Provincial Nutrition  Committee  kan  Govierno  Provincial    nakatalaan  na  magtiripon para   sa  sarong  symposium  na   gigibohon  sa  aga,  Hunyo  17  sa  Villa  Caceres  Hotel  sa  ciudad  kan  Naga.  

An  sinambit  nang  actividad  na  inapod  na  ‘Science  of  Hydration  of  H2O10’  an aatendiran  kan  mga  public  health  workers,  food  industry  representatives,  researchers, asin  academic  community   tanganing  madiskutir  an  mga  kaaraman  asin  rekomendasyon  dapit  sa  tubig,  hydration,  asin mga beverages.  

Katuyuhan  kan  actividad  iyo  na  dagos  nang  makanood  an  mga  participantes  dapit  sa  importansya  kan  tubig  inomon  asin  an  relasyon  kaini  sa  pag-ehersisyo asin  sa  sports.   

An  siring  na  actividad  an  pigsusuportahan  kan  Govierno  Provincial  sa  pangengenot  ni  Gobernador  LRay  Villafuerte  mantang  an  nutrisyon   asin  salud   kabali  sa  mga  mayor  na programa  ni  Gobernador  LRay  Villafuerte  sa  pusog  na  pagtubod  na  an  mga  ini  kaipuhan  sa  pag-uswag  kan  provincia.

Kaibahan sa  mga  nangengenot  na  opisina  sa  symposium  iyo  an  National  Nutrition  Council,  Food  and  Nutrition  Research  Institute,  asin  an  Department  of  Science  and  Technology  (DOST).

Mga  nakalinyadang    tema   sa   actividad  iyo  an  importance  and functions  of  fluid  balance,  water  beverages  and  energy  drinks  in  physical   exercises  and  sports,  status  of  consumption  and  supply  of  beverages  in  the  Philippines.

Mga  personahes  kan  Food  and  Nutrition  Research  Institute  an  nakatalaan  na  magiging  tagapagtaram  sa  symposium.  /  LAGavino - MMEC

Comments (0)