Pa-training sa pagpadakol nin ani nin paroy padagos na pig-implementar sa CamSur

PILI, CAMSUR—Sa  katuyuhan  na  mapadakol  an produksyon kan bagas  digdi  sa provincia  kan  Camarines  Sur, an govierno provincial sa pakikipagtabangan kan Department of Agriculture, Regional Field Unit 5 padagos  na  pig- iimplementar an  Farmers  Field  School  o  pa-training sa bagong mga sistema manonongod sa pag-ataman nin paroy. 

Sosog  sa  report  gikan  sa  Office  of  the  Provincial  Agriculturist  (OPA),  an  FFS  pigcombinar  na  lectures  asin  actual  field  demonstration  na  pigconducir  sa  lugar  na  mismong  pigtanoman  nin  paroy.

Nagkakapira  sa  mga paraoma an  nag- aprovechar  kan  sinambit  nang  programa hale pa sa mga banwaan nin  Baao, Buhi, Tigaon, Sagnay, Pamplona, Calabanga, Magarao, Libmanan,  asin  an  banwaan  kan  Bula.

Kan  nakalihis  na  semana dagos na man na pigconducir an pagtapos kan training sa banwaan  kan   Tigaon  partikular  sa  Bgy.  Agao.

An  sinambit  nang  actividad  padagos  na  pigsusuportahan  ni  Gobernador  LRay  Villafuerte  katakod   kan  saiyang  programang  agricultural  productivity   na  an  katuyuhan  makatabang para sa  dagdag  na  ingreso  kan  mga  paraoma.

Obheto  kan  sinambit  nang  actividad  iyo  na  manodan  kan  mga  participantes  an  mga  tamang  lakdang  sa  pag- ataman  kan  man  lain- lain  na  klaseng  banhi  nin  paroy  asin  an  mga  bagong  teknolohiya  tanganing  dagmang an ani, maibitaran  asin  dagos  nang  maeliminar  an mga  peste  na  nakaka-apektar kaini.          /  LAGavino - MMEC

Comments (0)