Nag-arangkada na an Ika- limang sesyon kan Vegetable Production training sa Tinangis

PILI, CamSur – Nasa   ika-limang   sesyon na an  Farmers  Field  School  (FFS)  on  Vegetable Production na pigkokondusir sa barangay Tinangis, banwaan nin Pili na an katuyuhan an maging suficiente sa marhay na klaseng gulay an mga namamanwaan.

Sosog   sa  report  gikan  sa  Office  of   the  Provincial  Agriculturist (OPA), an  ika- limang  sesyon  kan  training  kan  mga participantes naka centro sa transplanting  kan  mga  pinatambong  seeds  sa  naipreparar  na mas mahiwas na daga  na   tanoman  kan  mga  man  laen-laen  na  klaseng gulay.  
Magiromdoman  na  kan  nakalihis  na  Biyernes nagconducir  nin lecture  pagkaaga  dapit sa  tamang  paagi  kan paggamit  asin pag- takop   kan  plastic  mulch   sa  ibabaw  kan  mga  tinanom  na  gulay  tanganing  maibitaran  an  pagtambo  kan  mga  doot  sa  bagong  tanom  na  mga  gulay.  

An  FFS  pigco-combinar na lectures  asin  actual  field  demonstration  na   pigcoconducir sa  lugar  na  mismong pig-tatanoman  kan  mga  gulay  tanganing  praktikal  na  maiaplikar  an  mga  nanodan  base  sa mga   lectures  siring  man  an  mga  bagong  teknolohiya  na  puedeng  iadoptar  sa  padagos  na  ginigibong  acitividad.

An  sinambit  nang  actividad  saro  sa  mga  programa  na  padagos  na  pigsusuportahan   ni  Gobernador  LRay  Villafuerte  katakod  kan  saiyang  programang  agricultural  productivity  asin  an  magkaigwa  nin  marhay  na alternatibong  hanapbuhay  an  mga  contituentes  kan  provincia.

An  training    pinapangenotan kan Govierno  Provincial  sa  paagi  kan    Office  of  the  Provincial  Agriculturist  (OPA)  sa  pakikipagtabangan  kan  Department  of  Agriculture  Regional  Field  Unit- 5(DA-RFU 5),  asin  kan  Agricultural  Training  Institute (ATI).

An  mga  resource  speakers  iyo  an  Training  Management  Team kan  High  Value  Commercial  Crops ( HVCC)  kan  OPA.

Nagkakapira  sa  mga  gulay na padagos  na  pig-aataman  asin  pig-aadalan  kan  mga  participantes  iyo   an    kamatis, pechay,  lettuce,  cucumber, asin  an  watermelon. /  LAGavino - MMEC

Comments (0)