Gob. LRay nagbisita sa banwaan nin Caramoan

Dakulang kaogmahan an namatean kan mga taga-Caramoan sa pagbisita ni Gob. LRay Villafuerte asin  pag-iribang opisyales kan provincia kan Mierkules, Enero 25 sa nasambit na banwaan katakod kan School and Barangay Assistance Program kan gobernador.

Duwang eskwelahan sa Caramoan an naging venue kan bibong pagbisita ni Gob. LRay kaibahan an saiyang aking si Migs,  mga opisyal kan provincia si Vice Gob. Ato Pena asin Board Member Angel Naval.  An enot na pigbisita kan gobernador iyo an Eastern Coast Annex High School na kun saen riboribong entusiasmadong mga estudyante asin mga residentes kan barangay  Pandanan, Colongcogon asin San Vicente an presente.

An mga estudyante asin mga residentes kan nasambit na barangay orogmahon asin enterong nagkokororahaw sa pag-abot ni Gob. LRay asin Migs. Na-entertain man an mga nagdadaralan kan grupo kan LRay Dancers asin Gov. LRay Singers.

An grupo kan gobernador nagpanao nin fudpaks asin sapatos para sa mga estudyante asin uniform para sa mga opisyal kan barangay. Nagkaigwa pa nin pa-raffle na nagtao man nin excitement sa mga tawo.

Sunod na pigbisita Ni Gob. LRay asin Migs asin ninda Vice Governor Pena asin iba pang opisyales kan provincia iyo an Tawog National High School na kun saen ribo-ribo man giraray na estudyante asin residentes kan barangay Tawog, Solnopan, Binanuahan, Ili Centro, Cadong, Oroc-Osoc, Caputatan, Salvacion, Lubas, Ilawod asin Terogo an yaraon para makisumaro sa pagtiripon.

Si grupo ni Gob. LRay asin si Migs  nagtao man nin mga fudpaks, tennis shoes para sa mga estudyante asin uniform para sa mga barangay officials. Nagtao man nin kaogmahan an mga pa-raffle asin entertainment kan mga LRay dancers. MMEC

Comments (0)