E-Passport isasalida sa Machine Readable sabi kan DFA- Regional Consular Office

PILI, CamSur—Pigpapaisi  kan  Department  of  Foreign  Affairs  (DFA)-Regional  Consular  Office  na  nakabase  duman  sa  ciudad  nin  Legaspi  duman  sa  mga ma-apply  nin  pasaporte,  sa   aga  Marso  4  sagkod  petcha  5  iyo  na  muna  an  ultimong  aldaw  sa  pag-proseso  kan  mga  application  sa  pasaporte.

Sosog  sa  report  gikan  sa  CamSur  Employment  Center,  an  Mobile  Passport  Services  (MPS) Project  kan  DFA  sa  pakikipagtabangan   kan  govierno  provincial   pansamantalang   isususpendir  muna  an  pag-proseso  kan  mga  pasaporte   iyan  katakod  kan  pigtalaan  na  pag-implementar  kan  Electronic  Passport (E- Passport).

Magiromdoman na  kan  mga  enot  na  taon  sagkod  sa  presente  gamit  pa  an  Machine  Readable  Passport  alagad  ini  sasalidahan  na  magpoon  ngonyan  na  bulan  nin Marso  kan    inaapod  na   E-Passport.

Ginatos  na  mga  aplikante  an  pirming minadagsa  sa  capitolyo  provincial  sa  paagi  kan  CamSur  Employment  Center  tanganing  mag- aprovechar  kan  pag- apply  kan  pasaporte  na  dai  na  maduman  pa  sa  ciudad  kan  Legaspi.  Iyo ini  an  saro  sa  mga  programa  ni  Gobernador  LRay  Villafuerte na  dakulang  tabang  sa  mga  namamanwaan  kan  provincia  na   ipigrani  na  an  siring  na  serbisyo  sa  mga  tao.   / LAGavino - MMEC

Comments (0)