Asistencia sa trabaho sa lado local nagpapadagos sa Capitolio Provincial

Lain kan paghanap nin mga kalipikadong aplikante tanganing panuan an mga posisyon sa luwas kan nacion na nakalap sa paagi kan Camarines Sur Employment Center (CSEC), nagpapadagos man an asistencia na itinatao kan nasambit na ahensiya kan govierno provincial duman sa mga boot makakua nin trabaho sa laog kan nacion partikularmente sa laog kan provincia.

Sa nakatalaan na Special Recruitment Activity (SRA) sa aga, Martes, Enero 17 hasta 18 kun sain makalap man nin mga aplikante para sa mga posisyon como Nurses sa Albany, New York, USA, mga household worker para sa nacion kan Kuwait, Qatar asin UAE, mga baby sitter, cleaner, driver para sa UAE asin mga houseboy para sa Qatar, duwang lokal na negosyo sa laog kan provincia an nakatalaan man na mag-participar asin magpadara kan saindang representante tanganing mag-conducir nin pagkalap empleado.

An mga nasambit na negosyo iyo an ofecina kan Natasha asin an Chris-Anne Sales Center na parehong yaon sa ciudad kan Naga.

Nangangaipo an Natasha Naga nin lalaking Sales Staff asin Staff Driver mantang ang Chris-Anne Sales Center nangangaipo man nin mga babaeng Computer  Staff, Sales Staff asin Errand.

An mga lokal na negosyong nasambit parehong imbuelto sa “direct sales” kun kaya an mga aplikante digdi an linalaoman na igwang experiencia sa lado kan sales.

Mientras tanto, igwa nin maninigong kalipikasyon na hinahagad sa mga aplikantes sa lambang posisyon.

An mga interesado  kinakaipuhan personalmenteng  magpasiring sa CSEC dara an kopya kan saindang comprehensive resume pati man an iba pang pertinenteng dokumentos sa paglaog nin trabaho.

Para sa mga dagdag na detalyes, puedeng apodan an CSEC sa mga numero 477-5858/477-7468 /4780109 asin 09198775952. An oficina kan CSEC makukua sa ika-duwang palapag kan Capitol Main Bldg sa Cadlan, Pili, Camarines Sur. Igwa man sinda nin e-mail address asin Facebook account na This e-mail address is being protected from spambots. You need JavaScript enabled to view it .  (FERNANDEZ/MMEC)

Comments (0)