Gob. LRay elihidong executive vice president kan League of Provinces
PILI, CamSur – Nagsumpa sa atubangan ni Presidente Noynoy Aquino si Gobernador LRay Villafuerte bilang executive vice president, kaibahan kan iba pang opisyales kan League of Province of the Philippines, o LPP, sa ginibong oath-taking ceremony sa Heroes Hall kan Palasyo Malacañang kan nakaaging Martes, Julyo 20.
Si Gobernador Villafuerte iyo pa man an napili bilang representante kan LPP sa Union of Local Authorities of the Philippines (ULAP).
An League of Provinces iyo an opisyal na organisasyon kan mga gobernador kan gabos na provincia kan Pilipinas na mandato kan R.A. 7160 o Local Government Code of the Philippines, kun sain si Gobernador Villafuerte nagserbi na man bilang deputy secretary general poon 2004 kan enot siyang na-elihir bilang gobernador hasta kan 2007 asin mismong national chairman poon kan 2007 hasta natapos an ika-duwa niyang turno ngonian na 2010.
Gov. LRay Villafuerte igot an pagtulod kan CamSur marathon para makatabang
PILI, CAMSUR—Orog na nagin mahigot an espuersos kan govierno provincial, particularmente ni Gobernador LRay Villafuerte, sa pagtulod kan mas mahiwas na partisipasyon kan mga konstituentes kan provincia sa papaaboton na pinakadakulang pang – internacional na marathon sa Pilipinas, an Summit Water CamSur Marathon.
Igwa nin temang “The Race to Rebuild the Nation”, an nasambit na karera an pinaglalaoman na kababalehan kan sobra sa beinte mil na participantes gikan sa manlaen-laen na parte kan kinaban tangani man na mas dakol na beneficio asin tabang an madara kaini sa mga beneficiariong organisasyon kan nasambit na karawat.
An marathon na masikad sa Camarines Sur Watersports Complex (CWC) sa Septiembre 26, 2010 an magkakaigwa nin manlaen laen na kategoriya arog kan 3K, 5K, 10K, 21K, 42K, asin an Bayanihan Run.
Mga paraoma, parasira nag-training sa pagpadakol kan produksyon
PILI, CamSur - An importansya kan team building asin values formation an mga mayor na tema sa ginigibong social preparation training para sa mga benepisyaryo kan proyektong food productivity na pigpundohan kan European Union, sarong international organisasyon na nagtatabang sa mga developeding countries na kabali an nacion kan Pilipinas.
Maabot sa otso mil (8,000) na rice farmers, vegetable growers, livestock raisers asin parasira sa mga target barangay sa banwaan nin Ocampo, Buhi, Sagñay asin Tigaon an makikinabang kan proyektong ini.
An social preparation training sarong importanteng elemento tanganing mapakarhay an pagmanehar kan proyekto kan mga benepisyaryo. Sa training, pigtutukdoan an mga benepisyaryo na mag-organisar siring kan sarong cooperative tanganing an mga miembro asin opisyale kaini magkaigwa nin dayupot na iribahan asin tarabangan.
Mga local na triathletes entusiasmadong magbali sa Ironman 70.3 Philippines
Sa pangengenot ni Gob. LRay Villafuerte
PILI, CamSur—Dai man mapahonod an mga local na multi-sports athletes na magpabaya na sana sa mga dayuhan na parakawat na magdominar kan nakatalaan na Cobra Energy Drink Ironman 70.3 Philippines na gigibohon digdi sa CamSur Watersports Complex (CWC) kan Capitolyo Provincial sa maabot na Agosto 22, 2010.
Labi nang 800 na triathletes an nagparehistro sa Ironman, kabali kan mga ini mga sikat na parakawat hali sa 34ng nacion sa palibot kan kinaban na maralaban sa doseng kategoriyang indibiduwal na karawat asin sa apat na kategoriya sa relay – all female, all male, mixed asin corporate.
An mga local na multi-sport athletes na maporbar na makipagtusayan sa mga dayuhan na parakawat pinapangenotan mismo ni Gobernador LRay Villafuerte asin kan saiyang esposang si Lara na kasarali sa kanya-kanyang relay team, si Gob. LRay madalagan para sa CamSur Tri Team 4 All Male asin an saiyang First Lady mabisikleta para sa CamSur Tri Team 3 All Female.
|
