35ng housing units kan GK asin Govierno Provincial pigbasbasan sa Del Gallego

PILI, CamSur—Dinagsa  nin dakol  na  namamanwaan kairiba  kan  mga  opisyales lokal  kan  municipio  kan Del  Gallego  an  ginibong  pagbasbas  sa  35ng housing units   na pigkonstruir sa pagtarabangan kan  Gawad  Kalinga (GK)  asin  govierno  provincial  sa  pamamayo  ni  Gobernador  LRay  Vilafuerte kan Mierkules, Hulyo 28.

An  sinambit  nang  pagbasbas  pig-konducir ni Rev.Fr. Ian Trillanes  kan  parokya   kan  Del  Gallego. Si  Alkalde  Lydia  Abarientos kan  sinambit  nang  banwaan  presente man sa okasyon.

Apuera  kan  loteng  pigdonar  kan  govierno  provincial,  an  gastos sa patrabaho para sa  pagpatindog  kan  mga  units  an  pigsagot  pa  giraray  kaini.

An  GK village  na  kinamomogtakan  kan  mga  units  nin  harong, may facilidad para sa pre-school  kan mga  kaakian nin mga  benificiario  na  pig- apod  na  SIBOL School.

Magiromdoman  na  kan  nakalihis  na  Oktubre  taon  2008,  an  provincia  kan  Camarines  Sur  pinili  kan  GK  bilang  pinaka-enot  na  Designer  Province  por  medyo  ta and CamSur sana an provinciang may GK villagae sa kada banwaan.

Igwa  pa  nin  inaapod  na  bed  and  breakfast  facilities  na  gigibohon   para  sa  mga  turista  asin  Rest Stop  para  sa  mga  viajeros  tanganing  magpahingalo  nin  kadikit  na  panahon  mientras  na  nagbibiahe,  iyan  sa  espuersos  pa kan  gobernador  kan  provincia.

Igwa man  Bayan  Anihan, sarong  livelihood  project  na  gulayan  para  sa  mga  residentes  kan  lugar.  /  LAGavino/AnnTuy- MMEC

Comments (0)