E-Passport isasalida sa Machine Readable sabi kan DFA- Regional Consular Office
PILI, CamSur—Pigpapaisi kan Department of Foreign Affairs (DFA)-Regional Consular Office na nakabase duman sa ciudad nin Legaspi duman sa mga ma-apply nin pasaporte, sa aga Marso 4 sagkod petcha 5 iyo na muna an ultimong aldaw sa pag-proseso kan mga application sa pasaporte.
Sosog sa report gikan sa CamSur Employment Center, an Mobile Passport Services (MPS) Project kan DFA sa pakikipagtabangan kan govierno provincial pansamantalang isususpendir muna an pag-proseso kan mga pasaporte iyan katakod kan pigtalaan na pag-implementar kan Electronic Passport (E- Passport).
CamSur kumpirmadong numero unong pan-turismong destinasyon sa Pilipinas
Nag-record nin 1.29 milyones na bisita kan 2009
An provincia nin Camarines Sur confirmado nang pinakasikat na destinasyon pan-turismo sa enterong Pilipinas na iyo an may pinakadakul na numero nin nagbirisita na uminabot sa labing 1.29 milyones na domestic asin dayuhan na turista kan nakalihis na taon 2009.
Ini segun sa report kan National Economic Development Authority na naglalaom pa ngani na an mga aktibidad pan-turismo lalo pang matingkad asin kinakarkulong ma-ingreso nin labi sa $17 billones ngonian na taon 2010. Awad-awad na parte kaini mare-realisar por medyo kan mga turista sa Camarines Sur.
CWC host kan pagbisita kan United Nations team sa CamSur
PILI, CamSur—Dakulang onra an naguno kan Camarines Sur kan an provincia iyo an pinili kan mga opisyales kan United Nations Development Programme (UNDP) na maging lugar para sa saindang taonan na team building activity o retreat kan nakalihis na semana.
An UNDP sarong global network kan United Nations (UN) na an misyon iyo an makatabang sa mga naciones sa pag-resolver sa mga problema arog kan poverty, energy asin environment asin HIV/AIDS.
Nag-arangkada na an Ika- limang sesyon kan Vegetable Production training sa Tinangis
PILI, CamSur – Nasa ika-limang sesyon na an Farmers Field School (FFS) on Vegetable Production na pigkokondusir sa barangay Tinangis, banwaan nin Pili na an katuyuhan an maging suficiente sa marhay na klaseng gulay an mga namamanwaan.
Sosog sa report gikan sa Office of the Provincial Agriculturist (OPA), an ika- limang sesyon kan training kan mga participantes naka centro sa transplanting kan mga pinatambong seeds sa naipreparar na mas mahiwas na daga na tanoman kan mga man laen-laen na klaseng gulay.
|
