Govierno Provincial handa na sa pinakadakulang pagtiripon kan AdCongress sa provincia

An govierno provincial na sa maigot na paghahanda ngonian para sa paabuton na Ad Congress 22  na gigibohon sa laog kan Kapitolyo Provincial magpoon Noviembre 16 hast 19.

Binabanabana na sobra sa 3,000 na delegados na hale sa man-ibaibang sector  kan advertising asin iba pang related fields arog kan tri-media, communication, tourism, business,  fashion asin information technology

An dakulang pangyayari sa estoria kan Philippine Ad Congress 22 na may temang fashion, transportation hotel asin technology ‘Change the Game’ iyo an  pag-abot na sarabay  kan top brass kan tolong  higanteng TV Networks na sinda Eugenio Gabby Lopez III kan ABS-CBN, Atty. Felipe Gozon kan GMA Network asin Manny  V. Pangilinan kan TV 5 para re-heras an saindang expertise bilang matrayumpong negosyante.

Si Gob. LRay Villafuerte na iyo an prime mover kan nasambit na ma-estoryang pagtiripon nag-asegurar na magkakaigwa ning maimbong na pagsabat asin marhay na pag-asikaso sa pag-abot kan dagmang na bisita digdi sa provincia.

Sa enot na aldaw, Noviembre 16,  iyo an registration kan mga delegados asin sa pagkabanggi iyo an welcome treat kan gobernador sa paagi kan Governor’s Night.

An ikaduwang aldaw, Noviembre 17 iyo an conference proper na sa opening ceremonies an tampok na bisita iyo si Tourism Secretary Ramon Jimenez bilang keynote speaker. Sunod an relaunching na gigibohon kan ADBoard Philippines asin social media guru, Carlene Li.

Sa pagkahapon, iyo  an manlaenlaen na diskursos ni McCann WorldGroup regional managing director Charles Cadell sa “Social Media and How it Changes the Game in Brand Communications”;  Freemantle Media Asia CEO Patrick Shult, “Branded Entertainment”;

Mataram man sinda Senior Vice President & General Manager, SPE Networks Asia

Ricky Ow asin Disney Channels-Asia vice president and managing director Laura Wendt  on “The Importance of Changing Content to Respond to Audience”.

Sa ikatulong aldaw, Noviembre 18 iyo an pambihirang paghirilingan asin sabay na pag-appear kan tolong moguls kan tolong pinakasikat na TV networks kan nacion na sinda Lopez, Gozon asin Pangilinan sa stage. An tolong VIPs mataong insights asin foresights sa saindang pagtaram sa ribo-ribong mga delegados.

An iba pang matararam iyo sinda Nestle Philippines’ chairman and CEO John Miller sa “Nutrition, Health and Wellness”; InSites Consulting co-founder Joeri Van den Bergh sa “How Cool Brands Stay Hot”’; Leo Burnett Worldwide’s chief creative officer Mark Tutsell sa “The Language of the 21st Century”; Singapore Press Holdings SVP Geoff Tan sa “Print Media: A Valuable Component in Any Engagement Strategy Especially with a Multi-Platform Approach”; Publicis Manila president and chief creative officer Marlon Rivera, Preview Magazine creative Director Vince Uy asin Preview Magazine editor-in-chief Pauline Suaco-Juan sa “Learning from the Fashion Industry”.

Sa ikaapat na aldaw, Noviembre 19 magiging tampok an dakula asin prestihiosong fashion show na ipe-presentar kan SM.  MMEC

Comments (0)